سارحة مالك يا حبيبة ساهية وأفكارك بعيدة
بقرأ في عيونك حياتي وانتي مشغولة بجريدة
بتقري في ايه كلميني يا سلام مهتمة عاملة
يعني لازم تقري هسه مقال بحاله قصة كاملة
كم شهور مرت علينا وبينا بعد وفرقة شاملة
العيون رويانة تبكي والقلوب مشتاقة آمله
أي حاجة تمر بخاطرك قصة أو أخبار جديدة
عندي ليك خبر أهم جايبه بأشواق شديدة
أسمعي وطاوعيني مرة أيوة ما تخليك عنيدة
عايز أقولك.... ولا أسيبك أقري أحسن في الجريدة
عايز أقولك... ما بقولك.... مش مخير
ساعة مرت...ساعة وأكتر والوقت روّح تأخر
زي عنادك عايز أعاند لكن يظهر ما حأقدر
أمري لله... كنت عايز أقول بحبك يا وحيدة
بقرأ في عيونك حياتي وانتي مشغولة بجريدة