ماهو باين فى العيون

وين حنهرب منو وين

الهوى البعث الليالى العامرة بى زاد الشجون

يفتح قلوبنا ديار محبة ديار حياة للعائدين

مابنقاوم وكيف حنقدر وين حنهرب منو وين

ما افتكرت الحظ بساعد عمرى ويورق من جديد

من بعد فرقتنا ديك مين كان بيفتكرك تعود

كنت بحتاج ليك بشدة وانت عنى بعيد

مافى عيشه بلاك بتبقى ومافى نشوة ومافى ريد

و الهوى الجنبك عرفتو عاطفه ملتهبة وجنون

ويـــن حنـــهـرب مـــنو ويــن

ادعينا وقلنا تانى ماحنشتاق فى عمرنا

وقبل ماتمر ليلة واحدة بحرارة الشوق غمرنا

كم لهينا وقلنا يمكن ندفن الحب فى سهرنا

الحياة صعبت علينا وبى أثر فقدك شعرنا

شفت كيف حبك حياتنا

انت يالحبك حياتننا

وكــيف بدون حــبك نكـون

وين حــنهــرب منو ويــــن

شفت كيف حبك بيعمل بشغل الوجدان بعذب

وبرضو بتقول عنى خادعك وانى بتلاعب وبكذب

ليك حق دنياك خالية لابتشيل هم لابتتعب

كنت تتعلم تجامل لو فؤادك مره جرب

انو مايدق دقة واحدة الا ويتفجر حنين

يفتح قلوبنا ديار محبة ديار حياة للعائدين

مابنقاوم كيف حنقدر وين حنهرب منو وين