MAZEN ND

VERSE (1)

بحبك بحبك بحبك بحبك
وردة جذابة بأول عمرا ...
صدفة مارق من جنبها و ما قدرت إتحمل عطراا ...
لك بدي قرب منها بدي ضما بدي شما ...
و خطوة عن خطوة بلش الخوف يدبح قلبها ...
قربت منها و اتطلعت بكل ورقة فيها ...
عطرك سحرني جواتي ما قدرت خبيها ...
لا تخافي قربي مني عم ناديلك تعالي ...
بدي زين فيكي بيتي بدي تحلى معك حياتي ...
بدي إتصبح كل يوم على جمال عطرك و نفسك ...
بدي إرويكي بنبضات قلبي لي هوا قلبك ...
بدي دفيكي غفيكي وثقي فيني و ما يهمك ...
لك أنا بحبك و بخاف عليكي متل أبوكي و إمك ...
خليني قرب أكتر إنتي حلمي و أنا حلمك ...
بكفي عذاب عمري لك مشتهي بس ضمك ...
حط راسي ع كتفك غمض عيوني و شمك ...
إبكي إحكي إشكي و إنتي بس تسمعيني ...
بدي تسمعي الحزن يلي طالع من صميمي ...
يا مجنونة أنا بحبك و عم إحلف بعيونك ...
إني صونك و إذا خنتك يا عيونها لا تسامحيني ...
.................................................................
CHORSE
إنتي ملاكي إيه و من دون تفكير ...
حبيبتي و إم ولادي لو شو ما يصير ...
ربي ما يحرمني منك يا أغلى عليي من حالي ...
و يقدرني إسعدك و حقق كل يلي ببالي ...
...................................................................
VERSE (2)

بسهر لحالي مع هالبرد و جنبي شمعة ...
ما بدي منها تدفيني بدي بس تخفي هالدمعة ...
يلي من أول ما خلقت ساكنة فيني و جواتي ...
ليش حاسس إنوا بدها ترافقني لمماتي ...
بترجاكي حسي فيني حسي بحبي لك حسي بقلبي ...
أنا متأكد بتحبيني بتحبيني يلا إحكي ...
ليش مصرة تخبي ليش بدك تقتليني ...
نظراتك بتحرقني لك بأرضي بتجيبيني ...
إنتي وحدك بس بتفهمي عليي بالوما ...
لما بشوف عيونك أنا بنسى لون السما ...
من دونك بهالدنيا ما بعيش ولا بتحمل لحظة بلاكي ...
أنا خلقت و همي الوحيد إني كون أنا وياكي ...
أنا بعشق شعرك همسك جنونك جفونك عطرك و نفسك ...
إنتي و أنا روحين بجسد لك أنا عم إتنفسك ...
بحبك .. و بعرف يلي خلقك خلق غيرك ...
بحبك .. شو أعمل إذا قلبي مو شايف غيرك ...
قلبي لي اختارك إنتي من بين كل بنات الدنيا ...
قلبي لي بدوا يعيش معك كل لحظة و كل ثانية ...
حسي فيني و لا تخافي وعدي لربي ما بنساه ...
يلي برضاه على إختي عليكي رح إرضااه ...
....................................................................
CHORSE

إنتي ملاكي إيه و من دون تفكير ...
حبيبتي و إم ولادي لو شو ما يصير ...
ربي ما يحرمني منك يا أغلى عليي من حالي ...
و يقدرني إسعدك و حقق كل يلي ببالي ...
..........................................................................
........................................