طاعنى دايماُ بى ورا
قاصد محبتى تخسرا
صبرك على والبعملا
فيك لمن تموت تتزكرا

فاكر خيانتك لى زمان
الليله بمرق دفترا
الليله بمرق ليك كلام
هدم العلاقه وودرا

قلبك قسى وظلم الغرام
قلبك عديل كده كترا
اديتو حبى ودنيتى
لكنو للاسف افترا

لازم اضوقك العزاب
لازم اشوف دمعك جرا
واخلى بى دمعك
عواطفك تبقى مامتحجرا

تندم على السويتو لى
تندم على كل ماجرى
بركان زعل جوايه قام
نيرانو صدك فجرها

حااخلى يومك كلو هم
وايام هناك متعسرا
ولو فيك قام شتل للفرح
بقلع عروقو وكسرا

ولو ضحكة الايام معاك
ضحكة شماته ودى فسرا
والبسمع فى قصة حياتك
يقول دى قصة مؤثرا