w2a Zomeet
صحاب خوت على طول

صحاب خوت ديما خوت مهما يفرق الوقت مهما يديروا صحاب السوء ومهما يلعب الشوشو
مهما يصير بيناتنا من مشاكل حنوقفوا ديما في ايدين بعض واللي بيفتن يجي يدوي في الوجه كانه راجل
صحاب خوت صحاب خوت من يومي اعتبرتك خوه حتى لو ما تندريش معزتك ديما ماشية تو دا بلو
في اي وقت في كل شي ديما نلقاك جنبي عمره ما نعبى على حد غيرك يجيني ان دا فلو
ديما صاحبي ديما خوي مهما تعاركنا ومهما يصير حتبقى ديما فوق من راسي وديما خوي
من الصبح لليل ديما مع بعض قدام اللي يجي تودني بعيونك ومستحيل نردك كان تطلب عيوني
نقول عليك خوي من غير حتى ما نفكر فيها لأني نعرفك قداش ليا ومعزتك كل يوم تزيد بيها
انت بس خوي انت بس نقولك فيها مكانتك عندي ما وصلها حد قبلك ومش حيقدر حد تاني عليها

Chrous
صحاب خوت صحاب خوت ديما على طول
المحسدية شادينها قتنه فاتوا حتى المهبول
زي صاحب زي مسطول زي معرفه ديما طول
كلها تفتن من الحسد و مش مدورينهم بالأصول

صحاب خوت , ديما خوت , زميط جاي توا بيحكي عالصاحب اللي ما تقدرش تفوت
بعد ما الزمان فات وعدى وكنا اصحاب وتو كيف الخوت معزه بيناتنا معزة احباب
الصاحب هو الصاحب , الخو هو الخو ,مع الصاحب ديما تلاعب اما الخو في اي وقت مراحب
الصاحب لما تمرض يجي يلحق عليك يطمن عليك اما الخو كان جنبك من لما مرضت وجري بيك
كلها تقرم ما في حد ما يدويش كلها حسد لما يشوفوا زوز صحاب ديما مع بعض زي الخوت
صبح و ليل ليل وصبح في كل طلعه في كل مشيه في كل كلمه يقولوها قدامهم باب مسدود
ديما معاي ديما معاك وين ما تمشي بتطلع تهيج ولا حتى كان بتمشي في طريق الموت
مافيهاش كيف زي مادرتني خوك حتى انا درتك ليا خو حتى لو جاك الموت وراك نموت

Chrous
صحاب خوت صحاب خوت ديما على طول
المحسدية شادينها قتنه فاتوا حتى المهبول
زي صاحب زي مسطول زي معرفه ديما طول
كلها تفتن من الحسد و مش مدورينهم بالأصول

إنت صاحبي إنت خوي من غيرك ما نقدرش نعيش من غيرك مكان في هالحياة ماليش
انت ديما الاول انت ديما اهم من قروب 10 نفار معزتهم كلهم قدامك ما تجيش
لما حد يغلط فيك نحسها انا بدلك زي ما يغلط فيك زي ما غلط فيا واللي مش مصدق يغلط ويجرب
انت في الاول وفي الاخير خوي معزتك عندي توصل لحد معزة امي وبوي
ديما نقول فيها غير ليش ياصاحب ايامي تنسي تغلط فيا وانا نسامح وقلبك عليا يزيد يقسى
هدا اللي انا حاس بيه انت خوي , خوي تمشي ولا تجي تدير فيا ولا ما تديرش
صحاب خوت ديما خوت حبي ليك ما ليشي قياس وما يقدر في يوم يوصلّه اي واحد من الناس
مستحيل نغلط فيك ولا نوقف نتفرج عليك لما حد يغلط فيك هده معزتي ليك فكر فيها كانها تكفيك

Chrous
صحاب خوت صحاب خوت ديما على طول
المحسدية شادينها قتنه فاتوا حتى المهبول
زي صاحب زي مسطول زي معرفه ديما طول
كلها تفتن من الحسد و مش مدورينهم بالأصول

صحاب خوت صحاب خوت , خوت خوت ديما على طول في كل مكان وكل زمان
w2a !! Zomeet