[Chorus]

Cooler than a suckabag,
boy this is Trinidad,
if yuh doh understand dat
then yuh chupid bad
x2

Cooler dan
x8

[Trapstar]
Ok is time a raise mih flag up,
spitting wit mih trini twang,
ah gnaming on a cheese pie,
liming by de taxi stand,
but boy dis pie hard mih throat bunning as it going down,
ah flagging down de snowcone man, ah cup ah ice to wash it down,
just doh take it on but check mih when yuh understand,
dat I does talk sh*t and leave de (w)rapping to de doubles man,
probably didn't ketch it is a trini if you do,
dis a test for you to pass, give me ones and give me twos
plus here in tnt we got de sweetest girls you ever see,
and everytime dey pass mih pants rising like de unc,
and you eh see me killing every track pure cruelty,
mih hockey mask on making allyuh wonder who is me,
and now I'm killing you I'm all about my money too,
ah name mih wallet sky cause when it soaking all yuh see is blue,
and dis dis creole tongue and y'all go hear some more of it,
mecasmiastic tnt we always on some other sh*t

[St Ans]
Curfew done so dey back out on de corner wit dey gun,
sorry daz de wrong flow, nah daz de right one,
cause ah cooler dan a suckabag, nigga this is Trinidad,
jumping to conclusions no delusions on this lillypad,
so if you miss me ah gone,
ah in de mitsubishi wit yuh gyal going Whitney to de song,
daz rell heights,
and allyuh niggas raps is reall slight,
bitchin every minute like yuh flicking brassiere tight,
acting kinda sensitive,
you be like dat Nelson 22 dat dey pursue cause you not getting any sentences,
ah show you what relentless is, onslaught,
get your thong caught,
or yuh granny panties in a bunch, something wrong hoss,
I am on course, yet another bomb tossed,
if you wanna check me cash plese win at all costs,
of course and yeah it kinda pricey,
so promoters getting charge like Pricey,
teacher getting slap dey eh taking it lightly,
de teacher getting black? Nah he taking it lightly,
I's a straight f*cking fool for this
Now Mr Wanke can you tell me how cool is this (you know)

[Frost Blaze]
Swagger like Kitchener, Pretender, Ras Shorty I, Black Stalin, pumping in a 280 C C C
Who ha swagger like me, me, me,
roll up de Sensi,
Swagger like Prowler, Blue Venture, Lord Nelson and Sparrow pumping in a 120 y y y
who ha swagger like I, I ,I,
light it up lewwe get high,
Grandad rest in peace,
ah know he went to heaven when dat test deceased,
he used to put rum in mih sorrel round Christmas time,
and had me cutting puma sneakers since de age of five,
ah never outgrow de habit just upgrade mih status,
de shoes to de belt still have de cat on it so,
if yuh bringing back de suckabag scene,
tell Wanke put Johnny in mih suckabag, scene

[Scara]
Straight outta Morvant, no crossover,
chip on my shoulder, maybe it was a boulder,
Trinidad rap scene, ppl wanna know who's hotter,
at tell dem like Jack tell de reporter go ask yuh mother,
something so prolific and exquisite it is different,
I speak in heights, I hope you not a midget,
I drop hot rhymes faster than aj gets through civics,
I drop hot rhymes faster than aj gets through civics,
battle me, battle who?
you want me to battle you,
ah rather stick my swizzle stick in some girls callaloo,
standing on de edge but I'm not de one to push,
rusty three line still cut down dasheen bush,
boy you're a nut? roast you like a cashew,
yuh girlfriend like de bus route, everybody pass through,
yuh gf is an actress, silence on your mattress,
but when she by me, she's a f*ckin shouter baptist

[Face]
Face coming through everybody done know de slang,
cooler dan a suckabag boy this is Trinidad,
if yuh doh understand dat den yuh must be mad,
we cooler dan de snowcone man or de lollivan,
mih car going to be sunny what maracas ha on me dan?
stars going to be bummy cause we spit dat nose runny slang,
ma sony playstation in dis song cause ah chronic and,
mih phonics, hyperbolic with some colic yuh cyah swallow so
call it alcholic allyuh you looking solo orange,
we flowing like de river but dey flow is so so porridge,
we focused and de trini rap game done pack in we crocus,
is suckabag we bat man, allyuh men is jokers,
and two face so clueless,
yuh run de game and cyah tie yuh shoe lace,
ha and allyuh pulling birds boy,
daz corbeaux too, ok word boy

[Wanke]
Jump and wave is de dance, soca put we in a trance,
and if yuh so happen to give we a chance we does mash up de place when we doing palance,
and just to inform you this is hip hop, we eh hitching a ride but we mopping a drop,
no we eh late this is just trini time so just hang around make it a lime,
Yuh looking for me, ah ha to handle mih biz dan,
yuh feel yuh so hot, well cool yuhself wit mauby fizz dan,
ok you so sick well is bess yuh go and shot some puncheon,
yuh punchlines to weak is bess yuh drink some punch den,
how yuh guffin up like a bad john so,
you say I'm an asshole,
so yuh ha more fans dan me I never know you does sell lasco,
homeboy you look like a fool,
black boy you should go back to school,
cause even when Trinidad hot you know yuh boy always caribbean cool,
and daz de scene so put it together like plasticine,
de gyal when dey see we team dey jumping up high like on trampolenes,
and like Trapstar said we always on some other sh*t,
we think so far outisde the box and when we done we flatten it