يتيم فاقد شوفت امه من سنين
وابوه مات من القهر والتجني
ما شاف واحد منهم بنظرت العين
والحزن يهدم في الضلوع و يبني
تنزل دموعه من لحون المغنين
و اهل اللحون من السعاده تغني
قالوا تمنى قال ابا اشوف الاثنين
كان يفيد الميتين التمني

يا كامل الاوصاف يا نادر الزين
هذا شعوري كل ما غبت عني
كيف اتقبل تعزية بعدك الشين
واشوف عذالي تجيك وتهني
دام الهجر والشوق والحزن قاسين
ليتك علينا يا حبيبي تحني
يكفيك فني عن فنون المحبين
كم مره استطربت والفن فني

كنت اتأنى من فراقك معي لين
طولت بفراقك و مات التأني
و كان الخطا منك مسامحك هـ الحين
و كان الخطا مني وش تريد مني