damai for maluku think-kay crew feat hanli'x
basudara ee..mari katong hidup damai jua
cukup jua vor yang lalu
m

hidup basudara su tapica salah arah....
bikin ancor tambah parah
tunju sikap baku marah...
hanya karna provokasi
jadi timbul kontraversi...
basudara ee...mana ktog pung cinta kasih

satu kata satu rasa malu ku berduka
melihat maluku sini sana su mandi darah
hei gandong mari datang samua angka suara
damaikan tanah maluku ini sio basudara

parcuma biking rusuh
tamang jadi musuh
kas tunju sifat busuh
bt hati su tatusu
ale deng b satu...punya kapala batu
bukan vor baku tumbu tapi untuk bersatu

perjanjian malino kmog su anggap sampa...
gong perdamaian z ada arti bersifat hampa...
hiidup manis kamaren kmog zengaja su lupa
apa yang kamong dapa kalo darah su tatumpa ??

reff : sudah jua mari katong baku bae
dari pada musti katorang bakalae
hidup baku marah lia paleng seng bae
mari katong damai itu yang lebe bae
basmi provokator
yang mo biking katong ancor

bukan salah sangka maen tunju itu kalabor
b bilang vor c tau zeng da guna angka parang. ..
muka mata coba lia ,satu gandong jank sabarang ...
bukan b mau larang....
tapi jank takruang ...tunju jalan baku prang
hidop z akan jadi sanang
kemarin su alami...sekarang coba ulangi
jang bikin hati saki tapi coba tuk pahami

sudah jua sodara
suda cukup jua ni darah
jank cari gara-gara
bikin darah ni membara
orang tua mandidara
anak2 pun sengsara
pancing masa baku marah
bikin rusak tambah parah

kerugian yang di capai...
bukan untunGG yang di gapai....
tapi masih mau membantai..
biking putus satu rantai...
pata siwa patah lima
inga akang sama-sama
ktong ini satu darah
jang ale biking badarah...

reff : sudah jua mari katong baku bae
dari pada musti katorang bakalae
hidup baku marah lia paleng seng bae
mari katong damai itu yang lebe bae

inga ambon manise
jang biking manangis ee
lau samua mau rese
sapa yang mau tageser
beta deng ose
harus baku kase
jaga ambon manise
tetap manise

katong zu hidup damai
napa harus bakalai
cuma tagal dengar mulu dari orang lain
yang cuma bikin susah katong pu hidup ini
terpaksa katong musti lari sana sini

dengar bunyi tembakan di kiri kanan
bikin basudara hati jadi mulai z tenang
ya ng dulu katong pegang tangan jadi pegang parang
yang dulu katong rasa su ulang akang sakarang

api di sini sana
tangis di mana mana
lari deng pana-pana
badan zu pono darah
keadaan makin para
katong hilang arah
mulai baku marah
jadi lupa sudara

sudara mulai baku marah tarus balempar batu
kalau terus bagini kapan katong bisa maju
mari katong sama sama stop for tunju
kalau katong orang maluku bisa jadi satu

buat apa ada itu gong perdamaian
kalu katong mulai bikin ulang kerusuhan
yang lain mara lain,yng lain bunuh lain
mulai bikin susah for orang lain

apa yng su terjadi harus katong sadari
itu smua cuma tagal orang pu profokasi

jang lai katong samua mau di peralat
lalu angka senjata balaga paleng kuat
rasa kasih jang ganti jadi amara
karna katong pu gunung tanjong zu jadi lautan dara

mari gandong katong bersatu
la usir itu musuh
jang cuma tagal musuh
la katorang baku bunuh
z ad rasa kasih cuma ad binci
katong berselisi terus saling caci

walau katong beda agama
mari katong sama sama
baku pegang tangan
la kas tinggal akang amara
jang dengar provokator
dong cuma mau bikin ancor
katong orang pela gandong
sio mari la beta gendong

gandong ee....
stop akang jua ...
mari katong biking maluku
damai kombali