zap:
طب مين يفكر وكل الناس بالغير مشغولة
ومين يتحاسب لما كل سلطة مش مسؤلة
فين الرجولة لما نسيو يوم كل اللي فاتو
مع السلامة باعو خانو نادو قالوا هاتو
هاتوا اللي ماتو نحلف ونقول كنا معاكوا
ليه العقول بتنكر كل الحقيقة واضحة
تسأل عنيكوات شايفة شمس الحقيقة فاضحة
تكشف مين اللي كاذب
توضح كل المعام تعرف من جوا قلبك مدام الحق غالب
لساك تايه وشايف ف عكس النور ملامح
وشوش عماله تصرخ والغدر سلاحه دابح
جوايا صراع وعايش مدام انا لسة فيها
هصدق مين واكذب وانا بعشق عنيها
cairokee:
وفر دموعك ليوووم الفرح
لما تجيب حق اللي راح وانجرح
وفر كل الكلام وسيب الايام تكتب الدرس وترسم كل الاحلام
zap:
وسط زحمة الحياة
فتحت كتاب مسطر
مكتوب بخط ايدي
عنوانه لسة هقدر مهما كان الكل خايف
مهما باع فينا الصحاب مهما كان الحلم خايف انه يتحول سراب
حتى لو ايدي قصيرة لسة فينا عيون بصيرة
شايفة بكرة بيبتسم
شايفة في الوحدة الوسيلة
خايف ان يهون يسامح ينسا حق اخونا اللي ضاع
طول مافينا النبض عايش مستحيل نقول وداع
مستحيل تهون عيونهم مستحيل انسا القسا
مستحيل تغفل جفونا مستحيل راح يتنسا
يتنسا حلم الرجوع يتنسا كتر الدموع
يتمحى اسم الشهيد من المدينة والنجوع
لسة فاكر اللي ماتو
ايوة سامع ذكرياته
ع اللي شافه واللي عاشه
دا اللي ليكوا فات حياته
ايوة ثابت مهما قالوا مهما زاد كتر الاسى
هبني من عضم الشهيد
للي خانوا محبسة
cairokee:
وفر دموعك ليوووم الفرح
لما تجيب حق اللي راح وانجرح
وفر كل الكلام وسيب الايام تكتب الدرس وترسم كل الاحلام