x

You are using an outdated browser. Please upgrade your browser to improve your ReverbNation experience.

Salvatore Mazzella / Blog

VURRIA… IO VURRIA…

Vurria sta’ vicin”a tte vurria vedè ‘o sole che spuntasse te scarfasse e t’accumpagnasse fino a ssera guardanno mano a mmano nu tramonto

Vurria sentì ‘e te sulo cose belle cantà pe’ tte na lieta nuvella vurria addora ‘e mare ncuollo a me e ‘o ffuoco d”o vulcano mpietto m’appicciasse ‘e vvene

Vurria, vurria io vurria

Vurria addurà tutte l’addora pe’ mmiez”a via abbraccià uno pe’ uno vurria accarezza tutt”e criature e criscenno s’allicurdasseno ‘e te

s’allicurdasseno ‘e te ca si’ ‘a cchiù bella pecché tu brill”e luce eterna ca faie scrivere ‘e canzoni e faie campà stu’ suonno pure a me

Vurria… vurria… ma stò luntano e da luntano nun se sente addora nun se toccano ‘e culure nun se sentono ‘e dulure

da luntano no, nun se sente niente nun se vede tanta gente e se pò sulo chiagnere e suffrì ‘e nustalgia ‘o ssaie? Se pò murì!

Napule mia tu staie luntano assaie pecché è luntano si nun te pozzo vedè si nun te pozzo addurà e nun te pozzo tuccà Napule mia senz”e te nun pozzo campà!

Salvatore Mazzella

PARTENOPE

Venette ‘a na terra luntana passanno pe’ mmare e tempeste cu nu legno cu ‘e vvele ammainate na guagliona cu nu ‘nnammurato

Sbarcava e purtava ll’ammore dint”o core teneva passione fantasia, arte e cultura ‘st’avventura nun faceva paura

Strignenno llu sposo a llu core sunnava na terra tranquilla cantava e traseva ‘int”e vvene ‘ncantava cu vvoce ‘e sirena

Mmiez”o mare ‘sti pprete pusaie cu ll’ammore facette ll’ammore e nascetta na terra ‘e canzone addò ‘a gente venneva passione

Na casa, po’ n’ata e po’ ancora cu ‘o tiempo crisceva ‘a città case, puteche e sculture che bellezza pe’ ddint”a ‘sti mmure

‘Sta guagliona venuta ‘a luntana addeventa n’amata Riggina rispettata da tutt”o paese p”a legge ca scriveva p”a pace

Na granda Riggina mettette ‘sti pprete na granda cultura, na bellezza infinita Partenope ‘o nomme d”a gloria partenopei so’ ‘e figli ‘e ‘sta storia

Quantu tiempo è passato d’allora nuie dint”e vvene purtammo ‘sta storia e cantammo canzoni d’ammore purtanno ‘sta guagliona dint”o core

Salvatore Mazzella