Ogni ghiuorno,
ogni mumento nasce na vita,
nu cucciolo d’animale,
nu ciore.
Ogni vota,
tu nun saje comme te cagna ‘a vita,
na pazziarella
che chiagne e se move.
Tutt’’e vote
è sempe na novità.
Ninnaò
Comme faje a nun ridere?
Ninnaò
Comme faje a nun chiagnere?
Ninnaò
‘O specchio tuojo d’ajere e dimane…

Ogni mumento nasce na vita,
na femmena o n’ommo overo
in miniatura.
T’aspiette p’isso ‘o bello d’’a vita,
un mondo un tantino più normale.
Ma t’assumiglia,
è la tua più bella foto.
Ninnaò
Comme faje a n’ave’ paura?
Ninnaò
Comme faje a nun t’aspettà
quaccos’‘e cchiù, quaccos’’e meglio?

Ninnaò
Comme faje, comme faje a ce ’o spiegà
comme só' fatt’’e culure,
che sott’’o sole lucente
ce stann’’e bbuone e ‘e malamente?

Tutt’’e vote…
Comme faje a ce ’o spiegà ?

Ninnaò
T’assumiglia…
Comme faje a nun ridere?
Ninnaò
Tutt’’e vote…
Comme faje, comme faje a nun chiagnere?

Ninnaò
T’assumiglia…
Comme faje, comme faje a n’ave’ paura?
Ninnaò
Tutt’’e vote…
Comme faje, comme faje, comme faje a nun t’aspettà?

Ninnaò
T’assumiglia…
Comme faje, comme faje, comme faje a nun ridere?
Ninnaò
Ninnaò, ninnaò, ninnaò, ninnaò,
ninnaò, ninnaò, ninnaò.
Ninnaò